على فكره انا بعشق حاجه اسمها الشعر
فيه قصيده جميله وللامانه انا قرأتها على النت بس مش فاكره فين بالظبط
المهم انها علقت كتير فى ذهنى لدرجه انى حفظت اكتر من نصها
ورجعت كتبتها انا تانى بس فيه كلام كتير من عندى
ويارب تعجبكم
انسان غريب
هتصدقي لو قلت لِك
كان نفسي اريَّح راسي فوق صدرك
وابكى واترمي فْ حضنك وانـام؟
فعلاً غريب
وانا مش هاقول لك ليه غريب
أصل انتِ عارفة
ان اللي شافك بسمة في الليل الكئيب
لازم يكون إنسان غريب
وان اللي يبنى الف حلم
فى شط فاضى لبحر غادر
إنسان غريب
علشان بحبك من وانتى لسه ورده مفتحه
وشوكها جارح حتى القريب
واقول في أشعار الصبايا
والعيون المليانين طيبة وشجن
وفجأه أقول لك وببساطة
ممكن اتكلم معاكِ
لو سمحتِ
ممكن افرد غربتي
قدام عيونك واتسجن
بس انتِ فكرتِ اللي قال الكلمتين
إنسان غريب
وماتعرفيش إن الغريب
هو اللي عدى ألف بحر عشان يقول الكلمتين